ܡܪܝܐ ܐܡܠܟ ܬܕܘܨ ܐܪܥܐ ܢܚ̈ܕܝܢ ܓܙܪ̈ܬܐ ܣ̈ܓܝܐܬܐ 1
ܥܢ̈ܢܐ ܘܥܪ̈ܦܠܐ ܚܕܪ̈ܘܗܝ ܒܙܕܝܩܘܬܐ ܘܒܕܝܢܐ ܡܬܩܢ ܟܘܪܣܝܗ 2
ܢܘܪܐ ܬܐܟܘܠ ܩܕܡܘܗܝ ܘܬܘܩܕ ܠܒ̈ܥܠܕܒܒܘܗܝ 3
ܐܢܗܪܘ ܒܪ̈ܩܘܗܝ ܠܬܒܝܠ ܚܙܬ ܘܐܬܕܠܚܬ ܐܪܥܐ 4
ܘܛܘܪ̈ܐ ܐܝܟ ܫܥܘܬܐ ܐܬܦܫܪܘ ܡܢ ܩܕܡ ܡܪܝܐ ܡܪܐ ܕܟܠܗ̇ ܐܪܥܐ 5
ܚܘܝܘ ܫܡܝܐ ܙܕܝܩܘܬܗ ܘܚܙܘ ܟܠܗܘܢ ܥܡ̈ܡܐ ܐܝܩܪܗ 6
ܢܒܗܬܘܢ ܟܠ ܕܥܒܕܝܢ ܦܬܟܪ̈ܐ ܘܡܫܬܒܗܪܝܢ ܒ̈ܓܠܝܦܐ ܣܓܘܕܘ ܠܗ ܟܘܠܗܘܢ ܡܠܐ̈ܟܘܗܝ 7
ܬܫܡܥ ܘܬܚܕܐ ܨܗܝܘܢ ܘܢܕܘ̈ܨܢ ܒܢ̈ܬ ܝܗܘܕܐ ܡܛܠ ܕܝܢ̈ܝܟ ܡܪܝܐ 8
ܡܛܠ ܕܐܢܬ ܗܘ ܡܪܝܐ ܡܪܝܡܐ ܥܠ ܟܠܗ̇ ܐܪܥܐ ܘܛܒ ܐܬܬܪܝܡܬ ܥܠ ܟܠܗܘܢ ܐ̈ܠܗܐ 9
ܪ̈ܚܡܘܗܝ ܕܡܪܝܐ ܣܢܝܢ ܠܒܝܫ̈ܬܐ ܘܢܛܪ ܢܦܫ̈ܬܐ ܕܙܕܝܩ̈ܘܗܝ ܘܡܢ ܐܝܕܐ ܕܪ̈ܫܝܥܐ ܢܦܨܐ ܐܢܘܢ 10
ܢܘܗܪܐ ܕܕܢܚ ܠܙܕܝ̈ܩܐ ܘܠܬܪ̈ܝܨܝ ܠܒܐ ܚܕܘܬܐ 11
ܚܕܘ ܙܕܝܩ̈ܐ ܒܡܪܝܐ ܘܐܘܕܘ ܠܕܘܟܪܢܐ ܕܩܘܕܫܗ 12