ܠܐ ܬܬܟܠ ܥܠ ܢܟܣ̈ܝܟ ܘܬܐܡܪ ܕܣܓܝ ܐܝܬ ܠܝ 1
ܠܐ ܬܬܟܠ ܥܠ ܚܝܠܟ ܠܡܐܙܠ ܒܨܒ̈ܝܢܝ ܠܒܟ 2
ܠܐ ܬܐܡܪ ܕܡܢܘ ܡܨܐ ܚܝܠܝ ܡܛܠ ܕܡܪܝܐ ܬܒܘܥܐ ܗܘ ܕܟܠܗܘܢ ܥܠܝܒ̈ܐ 3
ܠܐ ܬܐܡܪ ܕܚܛܝܬ ܘܠܐ ܗܘܐ ܠܝ ܡܕܡ ܡܛܠ ܕܐܠܗܐ ܢܓܝܪ ܪܘܚܐ ܗܘ 4
ܡܛܘܠ ܕܪ̈ܚܡܐ ܘܪܘܓܙܐ ܥܡܗ ܘܥܠ ܪ̈ܫܝܥܐ ܢܬܬܢܝܚ ܪܘܓܙܗ 6
ܠܐ ܬܬܟܠ ܥܠ ܫܘܒܩܢܐ ܕܠܐ ܚܛܗ̈ܐ ܥܠ ܚܛܗ̈ܐ ܬܘܣܦ 5
ܠܐ ܬܫܬܘܚܪ ܕܬܬܘܒ ܩܕܡܘܗܝ ܘܠܐ ܬܬܥܟܪ ܡܢ ܝܘܡ ܠܝܘܡ ܡܛܘܠ ܕܡܢ ܫܠܝܐ ܢܦܩ ܪܘܓܙܐ ܘܠܥܕܢ ܦܘܪܥܢܐ ܐܒܕܢܐ 7
ܠܐ ܬܬܟܠ ܥܠ ܢܟܣ̈ܐ ܕܥܘܠܐ ܡܛܘܠ ܕܠܐ ܢܥܕܪܘܢܟ ܒܝܘܡܐ ܕܥܩܬܐ 8
ܠܐ ܬܗܘܐ ܪܕܐ ܠܟܠ ܪܘܚ ܘܡܬܦܢܐ ܠܟܠ ܫܒܝܠ 9
ܗܘܝܬ ܣܡܝܟ ܥܠ ܛܥܡܟ ܘܡܠܬܟ ܚܕܐ ܬܗܘܐ 10
ܗܘܝܬ ܡܣܪܗܒ ܠܡܫܡܥ ܘܒܡܬܝܢܘܬܐ ܗܘܝܬ ܝܗܒ ܦܬܓܡܐ 11
ܐܢ ܐܝܬ ܠܟ ܡܠܬܐ ܦܢܐ ܠܚܒܪܟ ܘܐܠܐ ܐܝܕܟ ܣܝܡ ܥܠ ܦܘܡܟ 12
ܐܝܩܪܐ ܘܩܠܠܐ ܒܝܕ ܡ̇ܢ ܕܡܡܠܠ ܘܠܫܢܗܘܢ ܕܒܢܝܢ̈ܫܐ ܪܡܐ ܠܗܘܢ 13
ܠܐ ܬܬܩܪܐ ܡܗܠܟ ܒܬܪ̈ܬܝܢ ܘܒܠܫܢܟ ܠܐ ܬܬܩܠ ܡܛܠ ܕܥܠ ܓܢܒܐ ܐܬܒܪܝܬ ܒܗܬܬܐ ܘܨܥܪܐ ܒܝܫܐ ܥܠ ܡ̇ܢ ܕܡܗܠܟ ܒܬܪ̈ܬܝܢ 14
ܣܓܝ ܘܙܥܘܪ ܠܐ ܬܣܪܘܚ 15