ܐܠܗܐ ܩܡ ܒܟܢܫܐ ܕܡܠܐ̈ܟܐ ܘܒܓܘ ܡܠܐ̈ܟܐ ܢܕܘܢ 1
ܥܕܡܐ ܠܐܡܬܝ ܕܝܢܝܢ ܐܢܬܘܢ ܥܘܠܐ ܘܒܐ̈ܦܐ ܕܪ̈ܫܝܥܐ ܢܣܒܝܢ ܐܢܬܘܢ 2
ܕܘܢܘ ܠܝܬ̈ܡܐ ܘܠܒܝܫ̈ܐ ܘܠܡܣ̈ܟܢܐ ܘܠܡ̈ܟܝܟܐ ܙܟܘ 3
ܦܨܘ ܠܡܣ̈ܟܢܐ ܘܠܒܝ̈ܫܐ ܡܢ ܐܝܕܐ ܕܪ̈ܫܝܥܐ 4
ܕܠܐ ܝܕܥܘ ܘܠܐ ܐܣܬܟܠܘ ܕܒܚܫܘܟܐ ܡܗܠܟܝܢ ܗܘܘ ܘܙܥ̈ܝ ܟܠܗܝܢ ܫܬܐ̈ܣܝܗ̇ ܕܐܪܥܐ 5
ܐܢܐ ܐܡܪܬ ܕܐ̈ܠܗܝܢ ܐܢܬܘܢ ܘܒܢ̈ܘܗܝ ܕܡܪܝܡܐ ܟܠܟܘܢ 6
ܡܟܝܠ ܐܝܟ ܒܢܝܢܫ̈ܐ ܬܡܘܬܘܢ ܘܐܝܟ ܚܕ ܡܢ ܪ̈ܘܪܒܢܐ ܬܦܠܘܢ 7
ܩܘܡ ܐܠܗܐ ܘܕܘܢܝܗ̇ ܠܐܪܥܐ ܡܛܠ ܕܐܢܬ ܬܐܪܬ ܠܟܠܗܘܢ ܥܡ̈ܡܐ 8