ܫܡܥ ܐܠܗܐ ܨܠܘܬܝ ܘܨܘܬ ܠܒܥܘܬܝ 2
ܡܢ ܣ̈ܘܦܝܗ̇ ܕܐܪܥܐ ܠܟ ܗܘ ܩܪܐ ܐܢܐ ܒܛܘܪܦܗ ܕܠܒܝ ܕܥܠ ܟܐܦܐ ܐܪܝܡܬܢܝ ܘܒܝܐܬܢܝ 3
ܡܛܠ ܕܗܘܝܬ ܠܝ ܒܝܬ ܓܘܣܐ ܘܡܓܕܠܐ ܪܡܐ ܡܢ ܩܕܡ ܒ̈ܥܠܕܒܒܝ 4
ܕܐܥܡܪ ܒܡܫܟܢܟ ܠܥܠܡܝܢ ܘܐܣܬܬܪ ܒܛܠܠܐ ܕܟܢ̈ܦܝܟ 5
ܡܛܠ ܕܐܢܬ ܐܠܗܐ ܫܡܥܬ ܢܕܪ̈ܝ ܘܝܗܒܬ ܝܘܪܬܢܐ ܠܕܚ̈ܠܝ ܫܡܟ 6
ܘܐܘܣܦܬ ܝܘܡ̈ܬܐ ܥܠ ܝܘܡ̈ܬܗ ܕܡܠܟܐ ܘܫ̈ܢܘܗܝ ܠܕܪܕܪܝܢ 7
ܕܢܬܩܝܡ ܠܥܠܡ ܩܕܡ ܐܠܗܐ ܛܝܒܘܬܐ ܘܩܘܫܬܐ ܡܢܘ ܢܛܪܝܗ̇ 8
ܗܟܢ ܐܙܡܪ ܠܫܡܟ ܠܥܠܡ ܥܠܡܝܢ ܟܕ ܐܫܠܡ ܢܕܪ̈ܝ ܝܘܡ ܡܢ ܝܘܡ 9