ܠܡܢܐ ܡܫܬܒܗܪ ܐܢܬ ܒܒܝܫܬܐ ܓܢܒܪܐ ܘܥܠ ܡܚܣܝܐ ܟܠܝܘܡ 3
ܥܘܠܐ ܡܬܚܫܒ ܠܫܢܟ ܘܐܝܟ ܡܕܟܝܐ ܕܠܛܝܫ ܥܒܕܬ ܢܟܠܐ 4
ܪܚܡܬ ܒܝ̈ܫܬܐ ܡܢ ܛܒ̈ܬܐ ܘܕܓܠܘܬܐ ܡܢ ܡܡܠܠܐ ܕܙܕܝܩܘܬܐ 5
ܪܚܡܬ ܠܟܠ ܕܡܡܠܠܝܢ ܥܘܠܐ ܘܠܠܫ̈ܢܐ ܢܟܘ̈ܠܬܢܐ 6
ܡܛܘܠ ܗܢܐ ܐܠܗܐ ܢܥܩܪܝܘܗܝ ܘܢܣܚܦܝܘܗܝ ܠܥܠܡ ܡܢ ܡܫܟܢܗ ܘܥܩܪܗ ܡܢ ܐܪܥܐ ܕܚ̈ܝܐ 7
ܕܢܚܙܘܢ ܙܕܝܩ̈ܐ ܘܢܚܕܘܢ ܘܢܣܒܪܘܢ ܒܡܪܝܐ 8
ܘܢܐܡܪܘܢ ܕܗܢܘ ܓܒܪܐ ܕܠܐ ܥܒܕ ܠܐܠܗܐ ܬܘܟܠܢܗ ܐܠܐ ܐܬܬܟܠ ܥܠ ܣܘܓܐܐ ܕܥܘܬܪܗ ܘܐܬܬܪܝܡ ܒܩܢܝܢܗ 9
ܘܐܢܐ ܐܝܟ ܙܝܬܐ ܡܫܒܚܐ ܒܒܝܬܗ ܕܐܠܗܐ ܣܒܪܬ ܒܛܝܒܘܬܗ ܕܐܠܗܐ ܠܥܠܡ ܘܠܥܠܡ ܥܠܡܝܢ 10
ܐܘܕܐ ܠܟ ܠܥܠܡ ܕܥܒܕܬ ܘܐܣܒܪ ܫܡܟ ܠܕܪܕܪܝܢ ܠܘܩܒܠ ܙܕܝܩ̈ܝܟ 11