ܐܠܗܢ ܒܝܬ ܓܘܣܢ ܥܫܝܢܐ ܘܡܥܕܪܢܢ ܒܙܒ̈ܢܐ ܕܐܘܠܨܢܐ. ܐܫܬܟܚܬ ܠܢ ܒܟܠܙܒܢ 2
ܡܛܠ ܗܢܐ ܠܐ ܕܚܠܝܢܢ ܡܐ ܕܙܝܥܐ ܐܪܥܐ ܘܙܝ̈ܥܝܢ ܛܘܪ̈ܐ ܒܠܒܐ ܕܝܡ̈ܡܐ 3
ܢܬܕܠܚܘܢ ܡܝܝ̈ܗܘܢ ܘܢܬܗܦܟܘܢ ܘܢܙܘܥܘܢ ܛܘܪ̈ܐ ܒܥܘܫܢܗ 4
ܬ̈ܦܐ ܕܢܗܪ̈ܘܬܐ ܢܚܕܘܢ ܒܡܕܝܢܬܗ ܕܐܠܗܢ ܩܕܝܫ ܗܘ ܒܝܬ ܡܫܪܝܗ ܕܡܪܝܡܐ 5
ܐܠܗܐ ܒܓܘܗ̇ ܠܐ ܬܙܘܥ ܢܥܕܪܝܗ̇ ܐܠܗܐ ܒܥܕܢ ܨܦܪܐ 6
ܐܫܬܓܫܘ ܥܡ̈ܡܐ ܘܙܥ̈ܝ ܡ̈ܠܟܘܬܐ ܐܪܝܡ ܩܠܗ ܘܙܥܬ ܐܪܥܐ 7
ܡܪܝܐ ܚܝܠܬܢܐ ܥܡܢ ܘܡܥܕܪܢܢ ܐܠܗܗ ܕܝܥܩܘܒ 8
ܬܘ ܚܙܘ ܥܒ̈ܕܘܗܝ ܕܐܠܗܐ ܕܥܒܕ ܬܕܡܪ̈ܬܐ ܒܐܪܥܐ 9
ܡܒܛܠ ܩܪ̈ܒܐ ܡܢ ܣܘ̈ܦܝܗ̇ ܕܐܪܥܐ ܩܫܬ̈ܬܐ ܡܬܒܪ ܘܡܬܒܪ ܢܝ̈ܙܟܐ ܘܡܪ̈ܟܒܬܐ ܡܘܩܕ ܒܢܘܪܐ 10
ܐܬܦܢܘ ܘܕܥܘ ܕܐܢܐ ܐܢܐ ܐܠܗܐ ܐܬܬܪܝܡܬ ܒܥܡ̈ܡܐ ܘܐܬܬܪܝܡܬ ܒܐܪܥܐ 11
ܡܪܝܐ ܚܝܠܬܢܐ ܥܡܢ ܘܡܥܕܪܢܢ ܐܠܗܗ ܕܝܥܩܘܒ 12