ܛܝܒܘܬܐ ܘܕܝܢܐ ܐܙܡܪ ܘܠܟ ܐܫܒܚ ܡܪܝܐ 1
ܐܗܠܟ ܒܐܘܪܚܟ ܕܠܐ ܡܘܡ ܥܕܡܐ ܠܐܡܬܝ ܬܐܬܐ ܠܘܬܝ ܗܠܟܬ ܒܬܡܝܡܘܬܗ ܕܠܒܝ ܒܓܘ ܒܝܬܝ 2
ܘܠܐ ܣܡܬ ܠܘܩܒܠ ܥܝܢ̈ܝ ܡܠܬܐ ܕܥܘܠܐ ܠܕܥܒܕ ܒܝܫܬܐ ܣܢܝܬ ܘܠܐ ܢܩܦ ܠܝ 3
ܠܒܐ ܒܝܫܐ ܥܒܪ ܡܢܝ ܘܒܝܫܬܐ ܠܐ ܝܕܥܬ 4
ܠܡܢ ܕܐܟܠ ܩܪܨܐ ܕܚܒܪܗ ܒܣܬܪܐ ܡܘܒܕ ܗܘܝܬ ܠܕܪ̈ܡܢ ܥܝܢ̈ܘܗܝ ܘܪܘܝܚ ܠܒܗ ܥܡܗ ܠܐ ܐܟܠ ܗܘܝܬ 5
ܥܝܢ̈ܝ ܒܡܗ̈ܝܡܢܐ ܕܐܪܥܐ ܕܢܬܒܘܢ ܥܡܝ ܕܡܗܠܟ ܒܐܘܪܚܐ ܕܠܐ ܡܘܡ ܗܘ ܢܫܡܫܢܝ 6
ܘܠܐ ܢܬܒ ܒܓܘ ܒܝܬܝ ܕܥܒܕ ܢܟܠܐ ܘܡܡܠܠܐ ܟܕܒܐ ܠܐ ܢܬܩܢ ܩܕܡ ܥܝܢ̈ܝ 7
ܒܨܦܪܐ ܐܫܬܩ ܠܟܠܗܘܢ ܪ̈ܫܝܥܐ ܕܐܪܥܐ ܘܐܘܒܕ ܡܢ ܡܕܝܢܬܗ ܕܡܪܝܐ ܠܟܠܗܘܢ ܥܒ̈ܕܝ ܥܘܠܐ 8